Doimiy komissiya yig‘ilishida muhim masalalar muhokama qilindi

Xalq deputatlari Qiziriq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda Qiziriq tumani Kambag‘allikni qisqartirish va bandlik bo‘limi boshlig‘i Sh.Abbosov tomonidan O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirishga oid qo‘shimcha chora-tadbirlar to‘g‘risida”gi PQ-49-son qarori ijrosini ta’minlash yuzasidan amalga oshirilayotgan ishlar haqida hisobot taqdim etildi.

Shuningdek, tuman hokimining birinchi o‘rinbosari, iqtisodiyot va moliya bo‘limi boshlig‘i U.Panjiyev tomonidan Qiziriq tumani budjetining 2026-yil boshida shakllangan erkin qoldiq mablag‘lari hisobidan mablag‘ ajratish to‘g‘risida hamda tuman hokimligi huzurida tashkil etilgan “Infratuzilma va ijtimoiy barqarorlik jamg‘armasi” mablag‘larini yo‘naltirish masalalari yuzasidan hisobotlari tinglandi.

Yig‘ilish davomida doimiy komissiya a’zolari tomonidan mas’ullarga kun tartibidagi masalalar yuzasidan qator savollar berilib, ularning javoblari atroflicha tinglandi hamda masalalar yuzasidan muhokamalar olib borildi. Yakunda bildirilgan fikr va takliflar asosida tegishli tavsiyalar berildi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)