Olmaliq shahrida tadbirkorlik subyektlari tomonidan o‘rnatilgan reklamalari va peshlavhalarning qonuniyligini o‘rganish maqsadida navbatdagi nazorat tadbiri o‘tkazildi.

Mazkur o‘rganish ishlari O‘zbekiston Respublikasining 2022-yil 7-iyundagi “Reklama to‘g‘risida”gi Qonuni ijrosini ta’minlash maqsadida tashkil etildi.

Xalq deputatlari Olmaliq shahar Kengashi kotibiyat mudiri Sevara Qodirova, deputat Faxriddin Matasimov hamda shahar hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Alisher Subxonqulovlar tomonidan shahrida tadbirkorlik subyektlari tomonidan o‘rnatilgan reklamalari va peshlavhalarning qonuniyligi o'rganildi.

O'rganish jarayonida shahardagi tadbirkorlik subyektlarining reklama va peshlavhalari quyidagi mezonlar asosida ko‘zdan kechirildi. Yozuvlarning o‘zbek tili imlo qoidalariga muvofiqligi, 

Reklama matnlarining 2022-yildagi yangi tahrirdagi Qonun talablariga mos kelishi,

Tashqi ko‘rinish shahar ko‘rkiga va ma’naviy-ma’rifiy me’yorlarga mosligi ko'rib chiqildi.

Tadbirkorlarga mavjud kamchiliklarni bartaraf etish bo‘yicha tushuntirish va tavsiyalar berildi. Ona tilimizning nufuzini saqlash va qonun ustuvorligini ta’minlash — barchamizning burchimizdir.