📌 2025–2027-yillar uchun ijtimoiy va ishlab chiqarish infratuzilmasini rivojlantirish bo‘yicha PQ-454-sonli qaror ijrosi o‘rganildi

O‘zbekiston Respublikasi Prezidentining “2025–2027-yillarda ijtimoiy va ishlab chiqarish infratuzilmasini rivojlantirish chora-tadbirlari to‘g‘risida” 2024-yil 24-dekabrdagi PQ-454-sonli qarori ijrosini ta’minlash maqsadida Sherobod tumani “Qarabog‘” mahallasida qurilgan “Mening bog‘cham” loyihasi doirasidagi 120 o‘rinli zamonaviy bolalar bog‘chasi foydalanishga topshirilgan edi.

Xalq deputatlari Sherobod tumani Kengashi 4-Uch yog‘och – Qarabog‘ saylov okrugi deputati K. Xashimova tomonidan ushbu bog‘chada deputatlik nazorati olib borildi. Nazorat davomida tarbiyalanuvchilar uchun yaratilgan sharoitlar, bog‘cha atrofidagi o‘yin maydonchalari va boshqa infratuzilma obyektlari batafsil ko‘zdan kechirildi.

Ushbu tadbir bolalarning xavfsiz va sifatli ta’lim muhitida tarbiyalanishini ta’minlash va hududdagi ijtimoiy infratuzilmani rivojlantirishga xizmat qiladi..