Mahalladagi ijtimoiy va sanitariya
masalalari o‘rganildi 

🔹 Xalq deputatlari Farg‘ona tuman Kengashi deputati Diloram
Toshboltaeva uchrashuvlar reja-jadvaliga muvofiq o‘z saylov okrugi hududida joylashgan
“Xurshidi Tobon” mahalla fuqarolar yig‘inida bo‘ldi. 

🔹 Uchrashuv davomida mahalla yettiligi tomonidan amalga oshirilayotgan
ishlar, aholi turmush sharoitini yaxshilashga qaratilgan chora-tadbirlar hamda ijtimoiy
himoya masalalari atroflicha o‘rganildi. 

🔹 Ayniqsa, nogironligi mavjud shaxslarga davlat tomonidan
belgilangan imtiyoz va yengilliklarning amalda to‘g‘ri qo‘llanilishiga alohida e’tibor
qaratildi. Shuningdek, mahalla hududida tozalik va obodlikni ta’minlash, chiqindilarni
o‘z vaqtida olib chiqib ketish holatlari joyiga chiqqan holda ko‘rib chiqildi. 

🔹 Deputat tomonidan mavjud masalalar yuzasidan fikr va takliflar
bildirilib, aholi manfaatlarini ta’minlashga qaratilgan ustuvor vazifalar belgilab
olindi. 

Telegram |
Facebook | YouTube