🍰 Ishtixon MFYda tadbirkor ayol faoliyati o‘rganildi

Xalq deputatlari Ishtixon tumani Kengashi deputati Abdusalamov Elyor tomonidan hududdagi tadbirkorlik subyektlari faoliyati o‘rganildi.

O‘rganish davomida Ishtixon MFYda 4 yildan buyon qandolatchilik yo‘nalishida samarali faoliyat yuritib kelayotgan tadbirkor ayol — Ahmedova Nargiza Asadullayevnaning ish jarayonlari bilan yaqindan tanishildi.

Bugungi kunda tadbirkor tomonidan:

🔹 8 xil turdagi qandolatchilik mahsulotlari ishlab chiqarilmoqda;

🔹 4 ta doimiy ish o‘rni yaratilgan;

🔹 40 nafardan ziyod shogirdlarga kasb sirlarini o‘rgatib kelinmoqda.

Mazkur faoliyat nafaqat tadbirkorlikni rivojlantirish, balki yoshlar va xotin-qizlarni kasb-hunarga yo‘naltirish, ularning bandligini ta’minlashda ham muhim ahamiyat kasb etmoqda.

Hududda bunday tashabbuskor tadbirkorlarni qo‘llab-quvvatlash va yangi ish o‘rinlarini yaratish borasidagi ishlar izchil davom etmoqda.