Ehtiyojmand oilalar bilan manzilli ishlar olib borilmoqda

Xalq deputatlari Termiz tuman Kengashi huzuridagi Yoshlar maslahat guruhi a'zosi tomonidan mahallalarda ijtimoiy ko‘makka ehtiyoji bo‘lgan oilalar holidan muntazam xabar olinmoqda.

Navbatdagi o‘rganishlar davomida yordamga muhtoj xonadonlarga tashrif buyurilib, oilalarning turmush sharoiti, ijtimoiy va moddiy holati, bandlik masalalari hamda mavjud ehtiyojlari o‘rganildi.

Fuqarolar bilan yuzma-yuz muloqot jarayonida bildirilgan murojaat va takliflar tinglanib, aniqlangan muammolarni tegishli tashkilotlar bilan hamkorlikda hal etish, oilalarni mavjud ijtimoiy yordam va qo‘llab-quvvatlash choralariga yo‘naltirish bo‘yicha amaliy ishlar olib borildi.

Bunday manzilli o‘rganishlardan asosiy maqsad — yordamga muhtoj oilalarni aniqlash, ularning muammolariga befarq bo‘lmaslik va mavjud imkoniyatlardan samarali foydalanish orqali ko‘mak ko‘rsatishdir.

Yoshlar maslahat guruhi tomonidan aholi bilan ochiq muloqot va manzilli o‘rganishlar davom ettiriladi.
м