Qaraózek rayonı hákimligi májilisler zalında Ózbekstan Respublikası Oliy Majlisi Senatınıń ekinshi hám úshinshi jalpı májilisinde kórip shıǵılǵan nızamlardı xalıq arasında keńnen túsindiriw boyınsha ushırasıw bolıp ótti. Ushırasıwda Ózbekstan Respublikası Oliy Majlisi Senatı ilim, bilimlendiriw hám densawlıqtı saqlaw máseleleri komiteti baslıǵınıń orınbasarı, senator O.Ataniyazova hám Qaraqalpaqstan Respublikası Joqarǵı Keńesi komitet baslıǵı Sh.Ótemisov, rayonlıq Keńesi deputatları, mákeme, shólkem basshıları, awıl hám mákan puqaraları jıyınları hám ǵalaba xabar quralları wákilleri qatnastı. Senator O.Ataniyazova tárepinen joqarǵı palata májilisleri nátiyjeleri haqqında qatnasıwshılarǵa keńnen maǵlıwmat berildi. Rayondı social ekonomikalıq rawajlandırıw baǵdarında isleniw tiyis wazıypalar boyınsha tiyisli taraw wákilleriniń juwapkershiligin arttırıw baǵdarında óz usınısların berip ótti.