Xalq deputatlari Pastdarg'om tumani Kengashining navbatdagi 5-sessiyasi bo‘lib o‘tdi.

Sessiyada Xalq deputatlari tuman Kengashi deputatlari, tuman hokimining o‘rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari hamda ommaviy axborot vositalari vakillari ishtirok etdilar.

Sessiya ishida Tumanda jinoyatchilikni oldini olish va huquqbuzarliklar profilaktikasi bo‘yicha amalga oshirilgan ishlar hamda kelgusida rejalashtirilgan ishlar to‘g‘risida IIB boshlig‘i Z.Mamadolievning hisoboti, Tuman adliya bo‘limi boshlig‘i Z.Safarovning 2024-yildagi faoliyati yuzasidan axboroti haqida, Tuman Iqtisodiyot va moliya bo‘limi boshlig‘ining tuman mahalliy byudjetining 2024-yillik ijrosi to‘g‘risida
hisoboti, Tumanda 2024-yil davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar
to‘g‘risida , Tumanda 2025-yil 1-yanvar holatiga tuman mahalliy byudjetining erkin qoldiq mablag‘lari hisobidan ajratiladigan mablag‘lar , Tuman mahalliy byudjetining 2025-yil uchun suv solig‘i hamda yer qa’ridan foydalanganlik uchun soliq stakasini tasdiqlash to‘g‘risida, Tumanda 2024-yilda aholini ichimlik suv bilan ta’minlash darajasini oshirish bo‘yicha qilingan ishlar va kelgusidagi rejalar, Tuman IIB JXX tomonidan 2024-yil davomida amalga oshirilgan ishlar bo‘yicha tuman IIB boshlig‘i o‘rinbosari E.Yusupovning hisoboti, Ekologiya va atrof muhitni muhofaza qilish va iqlim o‘zgarishi inspeksiyasi Pastdarg‘om tumani bo‘limi boshlig‘i J.Bobonazarovning hisoboti, O‘zbekiston Respublikasi Oliy Majlisi Senatining 2024-yil 29-noyabrdagi “Qoraqalpog‘iston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, tumanlar va shaharlar byudjetlarining qo‘shimcha manbaalarini aniqlash va ulardan foydalanishni tartibga solishni takomillashtirish to‘g‘risida”gi KQ-5-V-sonli qarori haqida, Xalq deputatlari viloyat, tuman va shahar Кengashlari tomonidan qonunlarni ko‘rib chiqish va muhokama qilish to‘g‘risidagi namunaviy nizomni tasdiqlash haqida, O‘zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmoni ijrosini ta’minlashda davlat organlari va tashkilotlarini faoliyatini muvofiqlashtirish haqida, Xalq deputatlari mahalliy Kengash deputatlari tomonidan o‘z saylovchilari oldida axborot berish tartibini tasdiqlash to‘g‘risida hamda boshqa masalalar ko‘rib chiqildi.

Kun tartibidagi har bir masala sessiya ishtirokchilari tomonidan qizg‘in muhokama qilinib, ma’ruzachilarga berilgan savollarga batafsil javoblar qaytarildi va tegishli mutasaddilarga belgilangan vazifalarni o‘z muddatida, sifatli hamda og‘ishmay ado etishda shaxsan mas’ulliklari uqtirib o‘tildi.  

Sessiya kun tartibidagi masalalar bo‘yicha Xalq deputatlari Pastdarg'om tumani Kengashining tegishli qarorlari qabul qilindi.