Doimiy komissiyalarning qoʻshma majlisi boʻlib oʻtdi

🔹Bugun 29-yanvar kuni xalq deputatlari Bo‘stonliq tumani Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi hamda Mahalliy budjet, tadbirkorlikni rivojlantirish va iqtisodiy islohotlar komissiyasining qo‘shma majlisi bo‘lib o‘tdi. 

Ushbu majlisda masofaviy tarzda Kengashning tegishli deputatlari ham ishtirok etdi. 

🔹Qo‘shma majlisda Bo‘stonliq tumanida ichimlik suvi, elektr energiyasi, tabiiy va suyultirilgan gaz ta’minoti, ichki yo‘llarni asfaltlashtirish hamda ichki ko‘chalarni yoritish, qattiq va maishiy chiqindilarni olib chiqib ketish, qarovsiz va daydi hayvonlarni tutish, ko‘p qavatli uy-joylarni ta’mirlash bo‘yicha aholi murojaatlari muhokama qilindi.

🔹Qo‘shma majlis yakuni bilan tegishli tegishli tashkilot va korxona rahbarlariga aniqlangan kamchiliklarni bartaraf qilish bo‘yicha muddatli ko‘rsatmalar hamda tavsiyalar berilib, qo‘shma majlis qarori qabul qilindi.