Joriy yilning 20-yanvar kuni Oliy Majlis Senati tomonidan “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yana-da kuchaytirish masalalari” mavzusida mahalliy Kengashlar kotibiyatlari mudirlari va xodimlari uchun o‘quv seminari tashkil etildi.

O‘quv seminarida O‘zbekiston Kasaba uyushmalari federatsiyasining Toshkent viloyati kengashi binosida Kengash raisi S.Fayziyeva, Toshkent viloyatidan saylangan hududiy senator M.Toirov, kotibiyat mudiri A.Anarov va barcha xalq deputatlari shahar va tuman kotibiyati mudirlari va mutahassislari ishtirok etdi. 

O‘quv seminarida O‘zbekiston Kasaba uyushmalari federatsiyasining Toshkent viloyati kengashi binosida Toshkent viloyatidan saylangan hududiy senator M.Toirov, Kengash raisi S.Fayziyeva, kotibiyat mudiri A.Anarov va barcha xalq deputatlari shahar va tuman kotibiyati mudirlari va mutahhasislari ishtirok etdi.

Unda joylardagi muammolarni aniqlash hamda ularni bartaraf etish, hududlarni rivojlantirishga qaratilgan chora-tadbirlar va loyihalarni manzilli o‘rganish va samarali nazoratni amalga oshirish bo‘yicha “mahalla yettiligi” – Kengash – Senat” uch bo‘g‘inli hamkorlik tizimi yo‘lga qo‘yilganini taʼkidlandi.

Seminarda hududlarni ijtimoiy-iqtisodiy rivojlantirishga qaratilgan dasturlarni xatlovdan o‘tkazish va natijalari asosida ularning ijrosi yuzasidan nazoratni amalga oshirish bo‘yicha reja ishlab chiqish, mahalliy Kengash deputatlarining “mahalla yettiligi” bilan hamkorligi, loyihalarni o‘rganish va ijrosi yuzasidan nazoratni yo‘lga qo‘yish, muammoli masalalarni sessiyada muhokama qilish, respublika darajasidagi muammolarni Senatga taqdim etish mexanizmlari haqida tushuntirishlar berildi.

Seminar so‘nggida qarorda belgilangan vazifalar ijrosining sifatli va o‘z vaqtida amalga oshirilishida mahalliy Kengashlar faol bo‘lishi kerakligi yana bir bor eslatib o‘tildi. Bu borada zarur tavsiya va takliflar bildirildi.