️ 2026-yil 2-may kuni Iqtisodiyot va moliya bo‘limi tomonidan yuborilgan 01-33/568-sonli xat asosida tumandagi MTMlardagi mavjud muammolarni o‘rganish ishlari davom ettirilmoqda.
Tumandagi 1-sonli davlat maktabgacha ta’lim tashkiloti rahbari murojaatiga asosan Xalq deputatlari Pastdarg‘om tuman Kengashi kotibiyati mudiri F. Xolmuratova hamda mahalliy byudjet, tadbirkorlikni rivojlantirish va iqtisodiy masalalar bo‘yicha doimiy komissiya raisi O‘.Shukurov tomonidan joyiga chiqib o‘rganish ishlari olib borildi.
O‘rganishlar jarayonida mazkur maktabgacha ta’lim tashkilotida tashqi hojatxona qurilishiga ehtiyoj mavjudligi aniqlandi.
Mazkur masalani hal etish maqsadida uni belgilangan tartibda tuman Kengashi muhokamasiga kiritish hamda mahalliy budjetdan mablag‘ ajratish bo‘yicha amaliy choralar ko‘rilmoqda.
Maktabgacha ta’lim muassasalarida bolalar uchun munosib va xavfsiz sharoitlar yaratish — dolzarb vazifalardan biridir.