Mazkur tantanalarda Xalq deputatlari Termiz shahar Kengashi deputatlari o‘z saylov okruglaridagi maktablarda ishtirok etib, bitiruvchilarning quvonchiga sherik bo‘ldilar.

💬 Tadbirlar davomida davlatimiz rahbari Shavkat Mirziyoyevning mamlakatimiz bitiruvchi o‘quvchilariga yo‘llagan samimiy tabrigi o‘qib eshittirildi. Tabrikda yoshlarga bildirilgan yuksak ishonch, ularning zamonaviy bilim va kasb-hunarlarni egallashlari uchun yaratilayotgan keng imkoniyatlar alohida ta’kidlandi.

🔅Xalq vakillari maktab ostonasini tark etib, mustaqil hayotga qadam qo‘yayotgan yoshlarni, ularga ta’lim-tarbiya bergan zahmatkash ustozlarni hamda farzand kamolini ko‘rib turgan ota-onalarni qizg‘in qutladilar:

🟢Bitiruvchilarga kelgusida oliy ta’lim muassasalariga kirish, munosib kasb egallashlarida omad yor bo‘lishini;

🟢Yangi O‘zbekiston ravnaqi va Vatanimiz taraqqiyoti yo‘lida munosib hissa qo‘shadigan yetuk mutaxassislar bo‘lib yetishishlarini tiladilar.

✔️ “So‘nggi qo‘ng‘iroq” tadbirlari barcha maktablarda kuy-qo‘shiqlar, bitiruvchilarning ustozlarga bo‘lgan cheksiz hurmat-ehtiromi va kelajakka bo‘lgan yuksak ishonchi bilan haqiqiy bayramona ruhda o‘tdi.