“So‘nggi qo‘ng‘iroq” — yoshlar orzulariga qanot bag‘ishlagan bayram

⚡️Bugun mamlakatimizdagi barcha umumta’lim maktablarida “So‘nggi qo‘ng‘iroq” tadbirlari yuqori ko‘tarinki ruhda nishonlanadi.

✨ Xususan, xalq deputatlari Olmazor tumani Kengashi deputati To‘rabek Nazarov Olmazor tumanidagi 12-“Gulzor” saylov okrugida joylashgan 16-sonli umumta’lim maktabida bo‘lib o‘tgan “So‘nggi qo‘ng‘iroq” tadbirida ishtirok etdi.

🎓Tadbir davomida deputat bitiruvchilarni ushbu unutilmas kun bilan samimiy tabriklab, ularga O‘zbekiston Respublikasi Prezidentining bayram tabrigini o‘qib eshittirdi. Shuningdek, yoshlarga kelgusi hayot yo‘lida ulkan zafarlar, yuksak natijalar va Vatan ravnaqi yo‘lida munosib hissa qo‘shishlarini tiladi.
🌟 Tantanali tadbir ko‘tarinki ruhda o‘tib, maktab ma'muriyati tomonidan chet tillaridan yuqori o‘rin olgan o‘quvchilar va ularning ota-onalari tashakkurnoma bilan taqdirlandilar.