Xalq deputatlari tuman Kengashi kotibiyat bosh mutaxassisi Sh.Tog’ayev hamda 21-Istiqlol saylov okrugi deputati N.Raxmatov tomonidan o‘z saylov okrugidagi fuqarolar bilan navbatdagi ochiq va samimiy uchrashuv tashkil etildi. Uchrashuv davomida aholini qiynayotgan muammolar, hududni obodonlashtirish, kommunal xizmatlar sifatini yaxshilash, aholi bandligini ta’minlash hamda yoshlar va xotin-qizlarni qo’llab-quvvatlash masalalari muhokama qilindi.

Saylovchilar tomonidan bildirilgan taklif va murojaatlar deputat tomonidan diqqat bilan tinglanib, ularni ijobiy hal etish yuzasidan tegishli tashkilotlar bilan hamkorlikda amaliy choralar ko’rilishi ta’kidlandi.

Shuningdek, uchrashuv davomida hududda amalga oshirilayotgan islohotlar, aholi uchun yaratilayotgan shart-sharoitlar hamda kelgusida amalga oshirilishi rejalashtirilgan ishlar haqida atroflicha fikr almashildi. Bunday muloqotlar fuqarolarning muammolarini o’rganish va ularning yechimiga ko’maklashishda muhim ahamiyat kasb etishi ta’kidlandi.