Bugun yurtimizning barcha hududlarida bo‘lgani kabi, Qo‘shko‘pir tumanidagi 20-maktabda ham “So‘nggi qo‘ng‘iroq” tadbiri ko‘tarinki ruh va unutilmas taassurotlar bilan o‘tkazildi.
Tadbirda Qo‘shko‘pir tumani hokimi, deputat Shuxrat Axmedov ishtirok etib, O‘zbekiston Respublikasi Prezidentining yoshlarga yo‘llagan samimiy tabrigini o‘qib eshittirdi. Shuningdek, tuman rahbari bitiruvchilarni mustaqil hayot sari qo‘yayotgan ilk qadamlari bilan muborakbod etib, ularga oliy ta’lim muassasalariga kirishda hamda kelajakdagi faoliyatlarida ulkan muvaffaqiyat va zafarlar tiladi.
Tadbir davomida ta’lim-tarbiya jarayonida faol ishtirok etgan ustozlar va ota-onalar tuman hokimining faxriy yorliqlari bilan taqdirlandi.
“So‘nggi qo‘ng‘iroq” — bu nafaqat bir bosqich yakuni, balki yangi orzular, ezgu maqsadlar va katta imkoniyatlar sari ochilgan yangi yo‘ldir.
Barcha bitiruvchilarga yorqin kelajak, mustahkam iroda, yuksak marralar va cheksiz omad tilaymiz!