Aholining bepul dori vositalari bilan ta’minlanishi o‘rganildi,
Xalq deputatlari Qiziltepa tuman Kengashining 24-Xo‘ja Hasan saylov okrugidan saylangan tuman Kengashi deputati T.Lutfullayev tomonidan 25-sonli oilaviy poliklinikada aholini bepul dori vositalari bilan ta’minlash holati o‘rganildi.

O‘rganish jarayonida poliklinikada mavjud dori-darmon zaxiralari, ularning saqlanish sharoitlari hamda aholiga belgilangan tartibda yetkazib berilishi yuzasidan ma’lumotlar olindi.

Shuningdek, fuqarolarning bepul dori vositalarini olish jarayonida uchrayotgan muammolari va takliflari tinglandi.
Deputat tomonidan aholining ijtimoiy himoyaga muhtoj qatlamlarini zarur dori vositalari bilan uzluksiz ta’minlash, tibbiy xizmatlar sifati va qulayligini yanada oshirish masalalariga alohida e’tibor qaratildi.

O‘rganish yakunida mavjud holat yuzasidan tegishli tavsiyalar berildi hamda bu boradagi ishlar doimiy deputatlik nazoratida bo‘lishi ta’kidlandi.