Xalq deputatlari tuman Kengashi deputati A.Isroilov Xalq qabulxonasida "Jismoniy va yuridik shaxslarning murojaatlari to‘g‘risida"gi qonun ijrosini o‘rgandi.
Joriy yilning yanvar–aprel oylarida jismoniy va yuridik shaxslardan kelib tushgan murojaatlar soni, ularning mazmuni, ko‘rib chiqilish muddatlari hamda ijro natijalari tahlil qilindi.
Shuningdek, murojaatlarni qabul qilish, ro‘yxatga olish va ijrosini nazorat qilish tizimi, fuqarolar qabullarini tashkil etish hamda murojaatlarda ko‘tarilgan masalalarning hal etilish holati o‘rganildi.
Yanvar-aprel oylarida kommunal xizmatlar, yo‘l infratuzilmasi, bandlik, ijtimoiy yordam va boshqa dolzarb masalalarga oid 181 ta murojaat kelib tushgan, shulardan 125 tasi (69 foizi) ijobiy hal etilgan.
Qolgan murojaatlar bo‘yicha mas’ul tashkilotlar tomonidan tegishli o‘rganish va amaliy choralar ko‘rilayotgani qayd etildi.