Xalq deputatlari tuman Kengashi deputati Z.Abduraimova Balandchaqir mahallasida xotin-qizlar bandligini ta’minlash yo‘nalishida amalga oshirilayotgan ishlar holatini o‘rgandi.

O‘rganish davomida mahalladagi ishsiz xotin-qizlar bilan olib borilayotgan manzilli ishlar, ularni kasb-hunarga o‘qitish, tadbirkorlik faoliyatiga jalb etish hamda doimiy daromad manbai yaratishga qaratilgan chora-tadbirlar tahlil qilindi.

Shuningdek, band bo‘lmagan xotin-qizlarning muammolari, qiziqishlari va ehtiyojlari o‘rganilib, ularni ish bilan ta’minlash, imtiyozli kreditlar va subsidiya dasturlaridan foydalanish imkoniyatlari yuzasidan tushuntirishlar berildi.

Hududda xotin-qizlar bandligini oshirish borasida amalga oshirilayotgan ishlarning samaradorligi muhokama qilinib, mavjud imkoniyatlardan yanada samarali foydalanish yuzasidan tegishli tavsiyalar berildi.