Xalq deputatlari Bo‘stonliq tumani Kengashiga O‘zbekiston Ekologik partiyasidan saylangan deputat S.Ramatjonov saylovchilar bilan o‘tkazgan uchrashuvlari davomida tumanning “Daxana” mahallasi 1 va 3-ko‘p qavatli uylarda istiqomat qiluvchi fuqarolar tomonidan hududda mavjud muammolarni bartaraf etishda amaliy ko‘mak so‘rab murojaat qilingan edi.

Deputat S.Ramatjonov tomonidan aholi muammolarini hal etish yuzasidan 2026-yil 12-may kuni tuman hokimi o‘rinbosariga belgilangan tartibda deputatlik so‘rovi chiqarilgan.

Bugun deputatlik so‘roviga asosan 1-ko‘p qavatli uyga tortilgan internet va aloqa simlarini tartibga keltirish va internet sifatini yaxshilash ishlari amalga oshirildi. Ushbu holat deputatning saylovchilari oldida ishonchini oqlashga xizmat qilmoqda. So‘rovda keltirilgan qolgan ishlar davom ettirilishi ma’lum qilindi.