Xalq deputatlari Angor tumani Kengashining Kotibiyat mudiri Raximqulov Jamshid hamda Xalq deputatlari Angor tumani Kengashining 2-Xo‘jaqiya saylov okrugi deputati Ravshan Jovliyev hamkorlikda Yuqori Tallashqon mahallasida bo‘lib, mahalla profilaktika inspektori faoliyatini o‘rgandilar. O‘rganish jarayonida profilaktika inspektori tomonidan hududda jinoyatchilik va huquqbuzarliklarning oldini olish, fuqarolar osoyishtaligini ta’minlash hamda profilaktik tadbirlarni samarali tashkil etish borasida amalga oshirilayotgan ishlar yuzasidan batafsil ma’lumot berildi.Shuningdek, mahallada xavfsiz muhitni mustahkamlash, yoshlar o‘rtasida huquqbuzarliklarning oldini olish va aholi bilan manzilli ishlash tizimini yanada kuchaytirish masalalari muhokama qilindi.O‘rganish yakunida hududdagi tinchlik-osoyishtalikni ta’minlash va jinoyatchilikning barvaqt oldini olish bo‘yicha deputat tomonidan tegishli tavsiyalar berildi.