Tashrif davomida ta’lim muassasasining faoliyati, o‘quv jarayonining tashkil etilishi, o‘quvchilarga yaratilgan shart-sharoitlar hamda ularning ijodiy salohiyatini rivojlantirishga qaratilgan ishlar batafsil o‘rganildi.

Xususan, rangtasvir yo‘nalishidagi mashg‘ulotlar, o‘quvchilarning ijodiy ishlari va asarlari ko‘zdan kechirildi. O‘quvchilarning badiiy mahoratini oshirish, ularning ijodiy qobiliyatini rivojlantirishga xizmat qilayotgan to‘garaklar faoliyati hamda o‘qituvchilarning pedagogik yondashuvlari bilan tanishildi.

Shuningdek, maktabdagi mavjud sinf xonalari va o‘quv qurollari bilan ta’minlanganlik holati o‘rganilib, sohani yanada rivojlantirish, iqtidorli yoshlarni qo‘llab-quvvatlash hamda ularning ijodiy ishlarini keng targ‘ib etish bo‘yicha mas’ullar bilan fikr almashildi.

Deputatlar tomonidan aniqlangan ayrim kamchiliklarni bartaraf etish, ta’lim sifatini yanada oshirish hamda yosh ijodkorlar uchun qo‘shimcha imkoniyatlar yaratish yuzasidan tegishli tashkilotlarga tavsiyalar berildi.