Fuqaro murojaatlari joyida o‘rganildi

Navoiy shahar hokimi, Xalq deputatlari Navoiy shahar kengashi deputati Dilmurod Ergashev boshchiligida o‘tkazilgan sayyor qabul davomida Hayot mahallasida istiqomat qiluvchi fuqaroning murojaatlari joyiga chiqqan holda o‘rganildi.

Tashrif davomida murojaatchi yashayotgan xonadonga borilib, uning yashash sharoiti, kundalik ehtiyojlari hamda mavjud muammolari atroflicha ko‘zdan kechirildi. Shuningdek, mahalla faollari va hudud aholisi bilan uchrashuv o‘tkazilib, fuqarolarning taklif va murojaatlari tinglandi.

O‘rganish jarayonida aniqlangan muammolar yuzasidan mas’ul tashkilotlar rahbarlari va mutaxassislariga aniq vazifalar yuklatildi. Jumladan, mavjud kamchiliklarni qisqa muddatlarda bartaraf etish, murojaatlarni ijobiy hal qilish hamda amalga oshirilayotgan ishlar ijrosini qat’iy nazoratga olish bo‘yicha topshiriqlar berildi.

Ta’kidlanganidek, aholi murojaatlari bilan ishlash, fuqarolar muammolarini joyida hal etish va ular uchun munosib turmush sharoitlarini yaratish bugungi kunda ustuvor vazifalardan biri hisoblanadi. Mazkur sayyor qabul ham xalq bilan ochiq muloqotni mustahkamlash va aholini qiynayotgan masalalarga amaliy yechim topish yo‘lidagi muhim qadamlardan biri bo‘ldi.