Kengash raisi yosh bilimdonlarni qutladi: Uzun tumanida fan olimpiadasi g‘oliblari taqdirlandi

Uzun tumanida yoshlarning bilimga bo‘lgan ishtiyoqini oshirish, iqtidorli o‘quvchilarni qo‘llab-quvvatlash va ularni munosib rag‘batlantirish tizimli ravishda amalga oshirib kelinmoqda.

Bugun tumandagi umumta’lim maktablari o‘quvchilari o‘rtasida bo‘lib o‘tgan fan olimpiadasining yakuniy bosqichi va g‘oliblarni taqdirlashga bag‘ishlangan tantanali marosim buning yorqin isboti bo‘ldi.

Ushbu tadbirda tuman hokimi hamda xalq deputatlari Uzun tumani Kengashi raisi, D.Safarova ishtirok etdi.

Tuman rahbari tadbirni ochib berar ekan, yig‘ilganlarni, o‘quvchi-yoshlar va ularning ustozlarini qizg‘in qutladi. D.Safarova o‘z nutqida bugungi kunda mamlakatimizda ta’lim tizimini tubdan isloh qilish, yoshlarning zamonaviy bilim va xorijiy tillarni puxta egallashlari uchun yaratilayotgan shart-sharoitlarga alohida to‘xtalib o‘tdi.