“Yashil makon” umummilliy loyihasi doirasida nazorat-tahlil tadbirlari olib borildi

Xalq deputatlari Termiz tuman Kengashi deputati K.Abdullayeva hamda Ekopolitsiya Termiz tuman bo‘limi bilan hamkorlikda hududlarda “Yashil makon” umummilliy loyihasi ijrosi yuzasidan nazorat-tahlil tadbirlari o‘tkazildi.

Tadbir davomida hududlarda ko‘chat ekish ishlari, yashil hududlarni kengaytirish, ekilgan daraxtlarni parvarishlash holati hamda obodonlashtirish ishlari o‘rganildi. Aniqlangan kamchiliklar yuzasidan mas’ullarga tegishli tavsiya va ko‘rsatmalar berildi.

Shuningdek, loyiha doirasida ekologik muhitni yaxshilash, aholi o‘rtasida ekologik madaniyatni oshirish hamda yashil hududlarni ko‘paytirish bo‘yicha ishlarni yanada kuchaytirish zarurligi ta’kidlandi.