Termiz tuman maktabgacha va maktab ta’limi bo‘limida nazorat-tahlil tadbiri olib borildi

Xalq deputatlari Termiz tuman Kengashi deputati A.Abdullayev tomonidan o‘ziga biriktirilgan tashkilotlar faoliyati yuzasidan Termiz tuman maktabgacha va maktab ta’limi bo‘limida nazorat-tahlil tadbiri o‘tkazildi.

Tadbir davomida ta’lim muassasalarida olib borilayotgan ishlar, yaratilgan shart-sharoitlar, o‘quv jarayonining sifati hamda tizimdagi mavjud muammolar atroflicha o‘rganildi. Shuningdek, maktab va maktabgacha ta’lim tashkilotlarida moddiy-texnik bazani mustahkamlash, pedagog kadrlar faoliyati samaradorligini oshirish hamda ta’lim sifatini yanada yaxshilash yuzasidan mas’ullar bilan muhokamalar olib borildi.

O‘rganish jarayonida aniqlangan ayrim kamchiliklarni bartaraf etish bo‘yicha tegishli tavsiyalar berilib, tizim faoliyatini yanada takomillashtirish yuzasidan vazifalar belgilab olindi.