O‘zbekiston Respublikasi Prezidentining 2025-yil 27-dekabrdagi “2025–2028-yillarda O‘zbekiston
Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-sonli qarori ijrosi yuzasidan Jalaquduq tumani Qo‘shtepa mahalla fuqarolar yig‘ini hududida aholiga sifatli birlamchi tibbiy xizmat ko‘rsatishni yaxshilash maqsadida barpo etilayotgan yangi Qishloq vrachlik punkti (QVP) qurilish ishlari tuman Kengashi deputati O.Xolmurodova tomonidan o‘rganildi. “Ekspres Bunyodkor Servis” MCHJ rahbari Saydullaev Saidislom boshchiligida amalga oshirilayotgan ushbu loyiha doirasida qurilish jarayonining borishi va sifat ko‘rsatkichlari ko‘zdan kechirildi. O‘rganish jarayonida deputat qurilish ishlarining belgilangan me’yor va talablar asosida olib borilishi, obyektning o‘z vaqtida foydalanishga topshirilishi yuzasidan tavsiya va takliflar berdi. Yangi QVP ishga tushirilishi bilan mahalla aholisi uchun zamonaviy, qulay va tezkor tibbiy xizmat ko‘rsatish imkoniyati yanada kengayadi. Qurilish jarayonida tibbiy xonalar, qabul bo‘limlari hamda zarur infratuzilma obyektlari tashkil etilishi rejalashtirilgan. Shu bilan birga, loyiha doirasida mahalliy aholi uchun qo‘shimcha ish o‘rinlari yaratilishi ham ko‘zda tutilgan.