🖥 Xalq deputatlari Guliston shahar Kengashi deputati Nargiza Zafarova tomonidan Do‘stlik mahallasi Ravnaq ko‘chasida ichimlik suvi quvurining shikastlangani yuzasidan fuqarolar murojaati asosida o‘rganish olib borilib, masala bo‘yicha Sirdaryo Suv ta’minoti AJ Guliston shahar bo‘limiga deputatlik so‘rovi yuborilgan edi.

🔎 Deputatlik so‘rovida ko‘tarilgan masala yuzasidan mutasaddi tashkilot tomonidan amaliy ishlar olib borildi. Xususan, Ravnaq ko‘chasi 94-uy ro‘parasidagi shikastlangan ichimlik suvi quvuri to‘liq ta’mirlanib, sizib chiqayotgan suv oqimi bartaraf etildi.

✅ Natijada ichimlik suvi isrof bo‘lishining oldi olindi, yo‘l va atrof hududdagi noqulayliklar bartaraf etildi hamda hududning sanitariya holati yaxshilandi.

🤝 Fuqarolar murojaatiga befarq bo‘lmay, muammoning qisqa muddatda hal etilishiga ko‘maklashgan barcha mas’ul tashkilot vakillariga minnatdorlik bildiriladi.

📌 Aholi manfaatlariga daxldor masalalarni o‘z vaqtida ko‘tarish va ularning yechimini ta’minlash deputatlik faoliyatining ustuvor yo‘nalishlaridan biri bo‘lib qoladi.