ПЕНСИЯ ЖАМҒАРМАСИ БЎЛИМИДА АҲОЛИГА КЎРСАТИЛАЁТГАН ХИЗМАТЛАР ЎРГАНИЛДИ
Халқ депутатлари Янгиқўрғон туман Кенгаши котибияти мудири Эргашева Мунисхон Рустамбековна томонидан Ўзбекистон Республикаси бюджетдан ташқари Пенсия жамғармаси Наманган вилояти Янгиқўрғон тумани бўлимида аҳолига кўрсатилаётган хизматлар ҳолати ўрганилди.
Ўрганиш давомида фуқароларга пенсия ва нафақалар тайинлаш, қайта ҳисоблаш, мурожаатларни қабул қилиш ҳамда уларга ўз вақтида ва сифатли жавоб бериш жараёнлари кўздан кечирилди.
Шунингдек, аҳоли учун яратилган шароитлар, навбатларни ташкил этиш, масъул ходимларнинг фуқаролар билан муомаласи ҳамда хизмат кўрсатиш маданиятига алоҳида эътибор қаратилди.
Ўрганиш якунида фуқаролар мурожаатларини қонуний, тезкор ва адолатли ҳал этиш, аҳолига янада қулай шароитлар яратиш бўйича тегишли тавсиялар берилди.