Xalq deputatlari Jalaquduq tuman Kengashi “Agrar, suv xo‘jaligi va ekologiya masalalari bo‘yicha doimiy komissiya”sining navbatdagi yig‘ilishi bo‘lib o‘tdi. Yig‘ilishda tuman hokimining o‘rinbosari, tuman qishloq xo‘jaligi bo‘limi boshlig‘i B. Musaevning 2026 yil 4 may kunidagi № 88/1-22 sonli xati dastlabki tarzda muhokama qilindi. Mazkur xatda tumandagi 2 ta fermer xo‘jaligi faoliyatini kengaytirish hamda ularni ko‘p tarmoqli fermer xo‘jaligiga o‘tkazish masalalari ko‘rib chiqildi. Yig‘ilish ishtirokchilari tomonidan ushbu
taklifning iqtisodiy samaradorligi, fermer xo‘jaliklarining imkoniyatlari va hududda qishloq xo‘jaligini yanada rivojlantirishdagi ahamiyati yuzasidan fikr-mulohazalar bildirildi. Shuningdek, komissiya a’zolari tomonidan ko‘p tarmoqli fermer xo‘jaliklarini tashkil etish orqali qishloq xo‘jaligida samaradorlikni oshirish, yangi ish o‘rinlarini yaratish hamda aholining bandligini ta’minlash imkoniyatlari muhokama qilindi.