🇺🇿 Xalq deputatlari Pastdarg‘om tuman Kengashining 2025-yil 18-sentabrdagi VII-15-100-7-101-K/25-sonli qaroriga asosan, “Fuqarolar tashabbusi” jamg‘armasi mablag‘lari hisobidan loyihalar moliyalashtirilgan edi.
Shombuloq MFY hududida ushbu loyiha asosida amalga oshirilayotgan yo‘l qurilish ishlari yuzasidan aholi tomonidan kelib tushgan murojaatlar atroflicha o‘rganildi.
✅ Murojaatda yo‘l qurilishi ishlari sifatsiz olib borilayotgani qayd etilganligi sababli, Xalq deputatlari Pastdarg‘om tuman Kengashi raisi B.Ochilov tomonidan mutasaddi tashkilot rahbarlari chaqirildi.
📌 Jumladan, yo‘l qurilish tashkiloti boshlig‘i hamda tuman hokimining o‘rinbosari ishtirokida holat joyiga chiqqan holda o‘rganildi.
⚖️ O‘rganishda aniqlangan kamchiliklar sabab, qurilish ishlarini vaqtincha to‘xtatish bo‘yicha tegishli ko‘rsatmalar berildi.
🤝 Aholi murojaatlari doimiy e’tiborda bo‘lib,har bir loyihada sifat va shaffoflik ustuvor vazifa hisoblanadi.