📌 Deputat tez tibbiy yordam shoxobchasi faoliyati bilan tanishdi

Xalq deputatlari Bulung‘ur tumani Kengashi deputati D.Achilova tomonidan Changal MFY hududida joylashgan Bulung‘ur tuman tez tibbiy yordam stansiyasining Ulug‘bek shoxobchasi faoliyati o‘rganildi.
Tashrif davomida tez yordam shifokori G‘.Nurmatov hamda hamshiralar tomonidan olib borilayotgan xizmatlar bilan yaqindan tanishildi.
Ma’lum bo‘lishicha, mazkur shoxobcha tomonidan bir kunda o‘rtacha 15–16 marotaba aholiga tez tibbiy yordam ko‘rsatilib, bemorlarning murojaatlariga tezkor va sifatli xizmat ko‘rsatish yo‘lga qo‘yilgan.
Deputat tomonidan tibbiyot xodimlarining fidokorona mehnati e’tirof etilib, aholiga tibbiy xizmat sifatini yanada yaxshilash borasidagi fikr va takliflar muhokama qilindi.

Xalq deputatlari Bulung'ur tuman Kengashi