Qaraqalpaqstan Respublikası Joqarǵı Keńesiniń 2026-jıl 10-fevral kúngi tastıyıqlanǵan 01-12/08-111-sanlı qadaǵalaw rejesi boyınsha
Qaraqalpaqstan Respublikası Joqarǵı Keńesiniń deputatı, ÓzXDP frakciyasınıń aǵzası B.Utambetova, rayonlıq Keńes baslıǵı A.Tlewov, rayonlıq Keńes deputatları menen birgelikte 2026-jıl investiciyalıq baǵdarlama sheńberinde Moynaq rayonında iske qosılǵan joybardıń jumısı úyrenildi

Úyreniw barısında "NUR-AYDOS" avtomobillerge tex hám juwıw xızmetin kórsetiw juwapkershiligi sheklengen jamiyetinde bolıp, kárxanada ámelge asırılıp atırǵan investiciyalıq baslamalar, óndirislik quwatlıqlar hám jaratılǵan jańa jumıs orınları menen jaqınnan tanıstı.

kárxanada avtomobillerge texnikalıq xızmet kórsetiw, diagnostika, remont hám avtomobil juwıw boyınsha jolg’a qoyılǵan xızmetleri menen tanısıldı. Sonday-aq, zamanǵa say texnika hám qural-úskenelerdiń qollanılıwına ayrıqsha itibar qaratıldı. Sonday-aq, isbilermen menen sóylesiw ótkerilip, bar mashqalalar hám olardı saplastırıw máseleleri dodalandı.

Juwapkerler tárepinen joybardıń turaqlı jumıs islewin támiyinlew, kárxana tárepinen xızmet sapasın jáne de joqarılatıw, puqara tez hám sapalı qızmet kórsetiw boyınsha ámelge asırılıp atırǵan jumıslar maqullandı.