📌TURAQLI KOMISSIYA MÁJILISI: ISHKI JOLLARDI JAQSILAW BOYINSHA ÁHMIETLI MÁSELE KÓRIP SHIǴILDI

Xalıq deputatları Nókis rayonlıq Keńesi  Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyanıń májilisi bolıp ótti.

Májiliste Nókis rayonı Abadanlastırıw basqarmasınıń 2024-jıl 11-oktyabrdegi 665-sanlı qararına muwapıq, rayon aymaǵında 2026-jılda qum-sheben aralaspalı qaplamaǵa ótkeriliwi belgilengen ishki jollardıń mánzilli dizimin tastıyıqlaw máselesi kórip shıǵıldı.

Májiliste ishki jollar infrastrukturasın jaqsılaw, xalıq ushın qolaylı háreketleniw sharayatların jaratıw jáne jumıslardı basqıshpa-basqısh ámelge asırıw boyınsha usınıslar dodalandı.

Qabıl etilgen qararlar sheńberinde jumıslardı sapalı hám belgilengen reje tiykarında ámelge asırıw boyınsha juwapkerlerge tapsırmalar berildi.

Jol infrastrukturasın rawajlandırıw - rayon rawajlanıwınıń áhmietli baǵdarlarınan biri.

👉https://t.me/Nukus_tuman_Kengashi