O‘zbekiston Respublikasi Prezidentining 2023-yil 21-dekabrdagi PF-209-son Farmonida belgilangan vazifalar ijrosi yuzasidan tumanning “Tovoqsoy” mahalla fuqarolar yig‘inida mahallasi raisi Z.Akramov, xotin-qizlar faoli L.Tursunbayeva, ijtimoiy xodim M.Izzatullayeva faoliyatlari O‘zbekiston Xalq demokratik partiyasidan saylangan deputat J.Sadirov va kotibiyat xodimi M.Tursunbayeva tomonlaridan o‘rganildi.

🔵O‘rganish davomida mahalla raisi bilan hududdagi jinoyatchilik holati, huquqbuzarliklarning oldini olish bo‘yicha amalga oshirilayotgan profilaktik choralar, aholi murojaatlari bilan ishlash tizimi muhokama qilindi.
Shu bilan birga, mahalla infratuzilmasini rivojlantirish bo‘yicha ishlab chiqilgan takliflar, jumladan:
     3000 m uzunlikda piyodalar yo‘laklarini qurish;
     1000 m uzunlikdagi ichki yo‘llarni asfaltlashtirish;
     300 m uzunlikda kanalizatsiya tarmog‘ini tortish;
     55 dona beton stolbalar o‘rnatish;
     mahalla fuqarolar yig‘ini binosini mukammal ta’mirlash masalalari ko‘rib chiqildi.

🔵Shuningdek, xotin-qizlar faoli bilan suhbat davomida “Ayollar daftari” ro‘yxatiga kiritilgan 110 nafar ijtimoiy himoyaga muhtoj, ishsiz yoki turmushida qiyinchilikka duch kelayotgan xotin-qizlarni qo‘llab-quvvatlash masalalari ko‘rib chiqildi. Deputat tomonidan xotin-qizlarni kasb-hunarga yo‘naltirish, bandligini ta’minlash va ularning muammolarini tizimli hal etish muhim ekani ta’kidlandi.

🔵Ijtimoiy xodim bilan bo‘lgan uchrashuvda esa ijtimoiy ko‘maklar ajratilishi, “Kambag‘allik reyestri”ga kiritilgan 24 ta oilalar holati, ularga ko‘rsatilayotgan amaliy yordamlar yuzasidan fikr almashildi. Mahalladagi ehtiyojmand oilalarni har tomonlama qo‘llab-quvvatlash, ularning daromad manbaini oshirish va turmush sharoitini yaxshilash bo‘yicha amalga oshirilayotgan ishlar muhokama qilindi.

🔵Uchrashuv yakunida deputat tomonidan mutasaddilarga aholi bilan ishlashda mas’uliyatni yanada oshirish, har bir murojaatga e’tibor bilan yondashish hamda ijtimoiy himoyaga muhtoj fuqarolarni qo‘llab-quvvatlash ishlarini izchil davom ettirish yuzasidan tegishli tavsiyalar berildi.