#Doimiy_komissiya_faoliyati

Xalq deputatlari Payariq tumani Kengashining korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining 2021-yil 10-fevraldagi “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida”gi PF-6166-sonli Farmonida belgilangan vazifalarning tumandagi ijrosi muhokama qilindi.

Muhokamalar davomida davlat organlari va tashkilotlarida ijro intizomini mustahkamlash, qonunchilik hujjatlarining o‘z vaqtida va sifatli bajarilishini ta’minlash, fuqarolar murojaatlari bilan ishlash tizimini takomillashtirish hamda rahbarlarning mas’uliyatini oshirish masalalariga alohida e’tibor qaratildi.

Shuningdek, yig‘ilishda Payariq tumanini murojaatlar bilan ishlash bo‘yicha namunali hududga aylantirish yuzasidan ishlab chiqilgan HARAKATLAR REJASI ko‘rib chiqildi.

Rejada aholi murojaatlarini tezkor va samarali ko‘rib chiqish, takroriy murojaatlarni kamaytirish, aholining muammolarini joyiga chiqib o‘rganish, ochiq muloqotlarni kengaytirish hamda murojaatlar bilan ishlashda raqamli tizimlardan samarali foydalanish bo‘yicha ustuvor vazifalar belgilandi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram