⏺Xalq deputatlari Nurobod tumani Kengashi deputati D.Xushvaqtov hamda Xalq deputatlari Nurobod tumani Kengashi huzuridagi Yoshlar maslahat guruhi a’zosi bilan birgalikda tumandagi 19-son maktabgacha ta’lim tashkilotida muassasa rahbari B.Rasulova ishtirokida uchrashuv o‘tkazildi.

⏺Uchrashuv davomida maktabgacha ta’lim tizimida amalga oshirilayotgan islohotlar, sohada olib borilayotgan ishlar hamda tarbiyalanuvchilar uchun yaratilgan shart-sharoitlar yuzasidan fikr almashildi.

💬Shuningdek, deputat tomonidan O‘zbekiston Respublikasining 2019-yil 16-dekabrda qabul qilingan “Maktabgacha ta’lim va tarbiya to‘g‘risida”gi O‘RQ–595-sonli Qonunining mazmun-mohiyati yuzasidan tegishli tushuntirishlar berildi. Xususan, qonunda belgilangan bolalarning sifatli ta’lim va tarbiya olish huquqlari, ta’lim jarayonida xavfsiz va qulay muhit yaratish hamda maktabgacha ta’lim muassasalari faoliyatini yanada takomillashtirishga qaratilgan normalar haqida atroflicha ma’lumot berildi.

✅Bunday uchrashuvlar sohadagi qonunchilik hujjatlarining mazmun-mohiyatini keng jamoatchilikka yetkazish, shuningdek, ta’lim tizimidagi islohotlarning samaradorligini oshirishga xizmat qilmoqda.