Piskentda 7 milliard so‘mlik yirik loyiha: 7 ta mahallada sug‘orish tizimi yangilanadi 

Aholi
tomorqalaridan unumli foydalanish va ob-hayot yetib borishini yaxshilash
maqsadida Piskent tumanida ulkan loyihaga start berilmoqda. 

Xalq deputatlari
Piskent tumani Kengashining Agrar, suv xo‘jaligi va ekologiya masalalari
bo‘yicha doimiy komissiyasi raisi B.Abralova hamda tuman «Suv yetkazib berish
xizmati» tashkiloti rahbarlari bilan birgalikda mazkur loyihani boshlash
jarayonlarini joyiga chiqqan holda atroflicha ko‘rib chiqmoqdalar. 

 Loyiha qiymati: 7 milliard so‘m. Qamrovi: Tumandagi 7 ta — Navoiy, Lolaariq,
Mitan, Mo‘minobod, Oybek, Bekobod va Yangiobod mahalla fuqarolar yig‘inlari. 

 Loyiha ijrosi natijasida: 

Ushbu
mahallalardagi 3 357 ta xonadonning suv ta’minoti tubdan yaxshilanadi; 

Jami 134,3 gektar
tomorqa yerlarini kafolatli sug‘orish tizimi yaratiladi. 

Komissiya raisi
B.Abralova ta’kidlaganidek: «Ushbu loyihaning hayotga tatbiq etilishi aholimiz
farovonligini oshirish, tomorqadan yiliga 2-3 marta hosil olish va oziq-ovqat
xavfsizligini ta’minlashda juda muhim ahamiyatga ega. Bizning asosiy vazifamiz
— ajratilgan mablag‘larning maqsadli sarflanishi va ishlarning sifatli
bajarilishi ustidan qat’iy deputatlik nazoratini o‘rnatishdir». 

Ayni paytda
mas’ullar tomonidan qurilish va montaj ishlarini tizimli tashkil etish bo‘yicha
chora-tadbirlar rejasi belgilab olinmoqda. 

Telegram
(http://t.me/PiskentTumaniKotibiyati) Facebook (https://www.facebook.com/share/1B4wErcYvP/