2026 йил 18 май куни Демократик жараёнларни таҳлил қилиш маркази Тошкент шаҳар ҳудудий бўлинмаси томонидан “Халқ депутатлари Кенгашларининг фуқаролик жамияти институтлари билан ҳамкорлиги” мавзусида давра суҳбати ташкил этилди.

🟢 Халқ депутатлари Тошкент шаҳар ва туман Кенгашлари котибият мудирлари, депутатлар, соҳа мутахассислари ҳамда маҳаллий ОАВ вакиллари иштирок этган тадбирда кенгашлар ва фуқаролик жамияти институтлари ўртасидаги ҳамкорликни мустаҳкамлаш, жамоатчилик назорати ва очиқ мулоқот механизмларини такомиллаштириш масалалари муҳокама қилинди.

🟢 Хусусан, маҳаллий давлат ҳокимияти органлари ва жамоат ташкилотлари ўртасидаги ҳамкорликнинг бугунги ҳолати, амалдаги муаммолар ва уларнинг ечимларига эътибор қаратилди. Шунингдек, жамоатчилик эшитувлари, очиқ мулоқотлар ва ижтимоий лойиҳаларни биргаликда амалга ошириш орқали аҳоли манфаатларини таъминлаш борасида фикр алмашилди.

🟢 Давра суҳбати конструктив мулоқот ва тажриба алмашиш майдони сифатида аҳамиятли бўлди.