Mahallada yoshlar bilan
ishlash tizimi va bandlik masalalari tahlil qilindi 

 Yoshlarning bandligini ta’minlash, ularni
tadbirkorlikka jalb etish orqali ijtimoiy qo‘llab-quvvatlash hamda bo‘sh
vaqtlarini mazmunli tashkil etish doimiy e’tiborda. 

Xalq deputatlari Piskent
tumani Kengashidagi 15-Fayzabod saylov okrugi deputati (XDP Kengashi raisi)
D.Komilova hamda Kengash kotibiyati bosh mutaxassisi G.Xudoyqulova tomonidan
Fayzabod mahallasida yoshlar yetakchisi tomonidan amalga oshirilayotgan ishlar
samaradorligi va yoshlar bandligi holati atroflicha o‘rganildi. 

 O‘rganish davomida quyidagi natijalar tahlil
qilindi: 

Bandlik va tadbirkorlik:
Mahalladagi yigit-qizlarning biznes tashabbuslarini qo‘llab-quvvatlash va
ularning bandligini ta’minlash maqsadida hozirgi kunga qadar 10 nafar yoshga
o‘z faoliyatini yo‘lga qo‘yishi uchun jami 70 million so‘m miqdorida imtiyozli
kredit mablag‘lari ajratilishi ta’minlangan. 

Profilaktika ishlari: Bugungi
kunda mahallada 2 nafar yosh profilaktik hisobda («prof uchyot») turadi.
Ularning ijtimoiy moslashuvi va bandligini ta’minlash bo‘yicha yoshlar
yetakchisi va huquq-tartibot organlari hamkorlikda manzilli ish olib bormoqda. 

Besh tashabbus tadbirlari:
Yoshlarning iste’dodlarini ro‘yobga chiqarish, ularni sport va madaniyatga keng
jalb etish maqsadida mahallada «Besh muhim tashabbus» doirasidagi
ma’naviy-ma’rifiy tadbirlar va sport musobaqalari tizimli ravishda o‘tkazib
kelinmoqda. 

Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/