Ózbekstan Ekologiyalıq partiyası Taxtakópir rayonlıq partiya shólkemi Keńesiniń baslıǵı B.Baymbetova hám Xalıq deputatları rayonlıq Keńesine usı partıyadan deputat A.Pirjanovanıń baslaması menen rayondaǵı "Ózbekstan" MPJ aymaǵında jaylasqan 9-sanlı ulıwma bilim beriw mektebinde "Biz keleshek ushın juwapkermiz" súreni astında "Ana tábiyattı asıramız" atamasında ekoakciya shólkemlestirildi.
Dáslep oqıwshılarǵa qorshaǵan ortalıqtı qorǵaw, tábiyattı qásterlep saqlaw búgingi kúndegi eń áhmietli máselelerden biri ekeni haqqında hár tárepleme túsinikler berildi.
Ilaj dawamında "Ana tábiyattı qásterlep saqlaymız" atamasında súwretler tańlawı da shólkemlestirildi. Tańlawda oqıwshılar tábiyatqa bolǵan mehir-muhabbatın dóretiwshilik jumısları arqalı kórsetti.
Juwmaǵında súwretler tańlawında jeńimpaz dep tabılǵan hám ilajda belsene qatnasqan oqıwshılarǵa partiyanıń estelik sawǵaları tapsırıldı.