🔴 Tadbirda Oliy Majlis Senati tomonidan xalq vakillariga berilgan 24 ta tavsiya asosida mahallalardagi yoshlar yetakchilari tomonidan amalga oshirilayotgan ishlar, xususan, yoshlar bandligini ta’minlash va tadbirlar samaradorligi tanqidiy tahlil qilindi.

🔴Shuningdek, aholiga ko‘rsatilayotgan tibbiy xizmat sifati hamda hududlardagi ta’lim muassasalari va sport inshootlarining moddiy-texnik holati, ularning sport anjomlari bilan jihozlanish darajasi diqqat markazida bo‘ldi.

🔴Yig‘ilish davomida hokim yordamchilari tomonidan kambag‘allikni qisqartirish borasida olib borilayotgan sa’y-harakatlar hamda ijtimoiy xodimlarning ehtiyojmand qatlamga ko‘rsatayotgan xizmatlari natijadorligiga alohida to‘xtalib o‘tildi.

🔴Shu bilan birga, kam ta’minlangan oilalarga nafaqalar tayinlashdagi shaffoflik, xotin-qizlar faollari hamda soliq inspektorlarining o‘zlariga biriktirilgan vazifalarni ijro etish holati batafsil ko‘rib chiqildi.

🔴Muhokamalar yakunida mahalla yettiligi va Kengash deputatlar o‘rtasida yaqin hamkorlikni yo‘lga qo‘yish, muammolarni joyida o‘rganish va hal etish bo‘yicha aniq vazifalar belgilandi.

✅ Xalq deputatlari tuman Kengashi va mahalla tizimi hamkorligida amalga oshirilayotgan bunday chora-tadbirlar hududlarni ijtimoiy-iqtisodiy rivojlantirish va aholi farovonligini oshirishga xizmat qiladi.