Xalq deputatlari Jondor tumani Kengashiga 6-Mirzayon saylov okrugidan saylangan deputat G‘.Hamroyevga Mirzayon va To‘prez qishloqlarida yashovchi faollar tomonidan murojaat kelib tushdi. Murojaatda mazkur qishloqlar hududidan o‘tuvchi davlat ahamiyatiga ega 80V138 hududlararo avtomobil yo‘lining ta’mirtalab ahvolga kelib qolganligi, shuningdek, 41-hamda 42-umumiy o‘rta ta’lim maktablari oralig‘idagi avtomobil yo‘llari joriy ta’mirga muhtoj ekani bildirildi.
✔️Fuqarolar yo‘llardagi nosoz holat aholiga noqulaylik tug‘dirayotgani, ayniqsa, o‘quvchilar va transport harakati xavfsizligiga salbiy ta’sir ko‘rsatayotganini ta’kidlab, muammoni hal etishda amaliy yordam so‘rashgan.
✔️Mazkur murojaat yuzasidan deputat G‘.Hamroyev tomonidan tuman Yo‘llardan foydalanish davlat muassasasi direktori M.Hamroyev nomiga deputat so‘rovi yuborildi. Unda ushbu yo‘llarni o‘rganib chiqish, ta’mirlash ishlarini tashkil etish hamda aholi uchun xavfsiz va qulay harakat sharoitini yaratish yuzasidan tegishli choralar ko‘rish so‘ralgan.