«Esim» mákan puqaralar jıyınıdaǵı hákim járdemshisiniń usınısı
tiykarında jumıs baslaǵan isbilermenlerdiń jumısları menen tanısıw ushın
Media-tur shólkemlestirildi. Oǵan rayonlıq Keńes deputatları, partiya belsendileri, ǵalaba xabar quralları
wákilleri, máhállelerdegi hákim járdemshileri, rayon hákimliginiń málimleme
xızmeti basshıları usı orınlarda bolıp, islep shıǵarıw hám xalıqqa turmıs
xızmetin kórsetiw orınlarınıń jumısları menen tanıstı. Búgingi kúnde máhállede
808 xojalıqta 4014 xalıq jasaydı. Keyingi jıllarda «Esim» MPJ da xızmet
kórsetiw tarawı rawajlanıp, aymaqta isbilermenlik subektlerin ashıw jaqsı jolǵa
qoyıldı. Búgingi kúnde aymaqta 4 yuridik hám 11 jeke tartiptegi isbilermenlik
subekti iske tusirildi. 2024-jıldıń 5 ayı dawamında 43 puqaraǵa 347 mln swmǵa
jeńilletilgen kredit esabınan qızıǵıwshılıǵı boyınsha xızmet kórsetiw hám islep
shıǵarıw ushın kerekli ásbap uskeneler, sharwashılıq ushın kredit qarjıları
hákim járdemshisiniń usınıs menen alıp berildi.Media tur qatnasıwshıları
aymaqtaǵı isbilermenler “BAUBERIK” JShJ tárepinen evrozavor islep shıǵarıw,
“IDEAL GILEM JUWIW ORAYI” JShJ gilem juwıw xizmeti hám jeke isbilermen
Utepbergenova Zamiranıń tigiwshilik cexındaǵı alıp barıp atırǵan jumısları hám
olardı qıynap kiyatırǵan mashqalaları menen tanıstı.