🔹Kuni kecha Boʻstonliq tumani hokimi J.Axmedov hamda Toshkent viloyati prokurori S.Eshquvvatov boshchiligida “Xo‘jakent” MFY hududida joylashgan “Xo‘jakent” pansionatida ommaviy sayyor qabul o‘tkazildi.

🔹Qabulda tuman hokimi J.Axmedov boshchiligida sektor rahbarlari, Xalq qabulxonasi hamda korxona va tashkilot mutasaddilari qatnashdi.

🔹Ochiq va samimiy muloqot tarzida kechgan qabulda 31 nafar jismoniy shaxslar va yuridik shaxslarning vakillari o‘z murojaatlari bilan ishtirok etdilar. Qabulda fuqarolarning sog‘liqni saqlash, kredit va subsidiya ajratish, tergov-surishtiruv harakatlari, kommunal xizmati sohasidagi kamchiliklar va boshqa masalalarga oid murojaatlar tinglandi.

🔹Bir qator murojaatlar joyida yechimini topdi. Shuningdek, ayrimlari yuzasidan qonuniy tushuntirishlar berildi. Qo‘shimcha vaqt va mablag‘ talab etilgan masalalar bo‘yicha mas’ullarga tegishli ko‘rsatmalar berilib, ijrosi nazoratga olindi.