Қараөзек район ҳәкимлигиниң мәжилислер залында Халық депутатлары Қараөзек районлық Кеңесиниң гезектеги сессиясы болып өтти. Сессияға районлық Кеңес депутатлары, сектор баслықлары, район ҳәкими орынбасарлары, сиясий партиялар, мəкеме, шөлкем басшылары менен ғалаба хабар қураллары ўәкиллери қатнасты. Сессия күн тәртибинде 2024-жылдың биринши шереги даўамында аймақларда халықтың бәнтлигин тәмийинлеў, кем тәмийинленген шаңарақларды кәмбағаллықтан шығарыў, "Сайхунабат тәжирийбе"син енгизиў, "мәҳәлле жетилиги"ниң жумысын нәтийжели шөлкемлестириў ҳәм жуўапкершилигин асырыў бойынша Қараөзек районы сектор басшыларының есабатлары тыңланды. Буннан соӊ сессия күн тәртибиндеги турақлы комиссиялар усыныслары бойынша басқада мәселелерге тийисли шешимлер қабыл етилип, алдағы режелер белгилеп алынды.