Xalq deputatlari Parkent tuman Kengashi deputatlari Berdiqulova Mavluda Tojiddinovna va Uboydullayeva Yulduz Abrorjonovnalar Parkent tumani IIB Yo‘l harakati xavfsizligi bo‘limiga tashrif buyurib, hududdagi yo‘l harakati xavfsizligini o‘rganishdi. O‘rganish jarayonida tuman IIB YHXB mas’ul xodimlari bilan suhbat o‘tkazilib, yo‘l-transport hodisalari ko‘p qayd etilayotgan hududlar haqida ma’lumot olindi. Suhbat davomida IIB YHXB xodimi tomonidan Markaziy dehqon bozori oldidagi asosiy yo‘l va bozor atrofida transport oqimi yuqoriligi, yo‘l belgilarining yetishmasligi va yo‘l qoplamasining nosozligi tirbandlikka sabab bo‘layotgani aytildi. Shu munosabat bilan deputat M.Berdiqulova Parkent tuman yo‘llardan foydalanish korxonasi rahbari F.Axmatxonovga mazkur hududda yo‘l belgilarini o‘rnatish, yo‘l qoplamasini ta’mirlash bo‘yicha rejalashtirilgan chora-tadbirlar va amalga oshirilgan ishlar yuzasidan ma’lumot taqdim etishni so‘rab deputatlik so‘rovi yubordi.