Xalq deputatlari Namangan viloyat Kengashi kotibiyati bosh mutaxassislari O.Orifbayev, Sh.Abdullayev hamda bosh hisobchi D.Xaymirzayev tomonidan Yangi Namangan tumani Kengashi faoliyati atroflicha tahlil qilindi. 

O‘rganish jarayonida mahalliy Kengashlar faoliyati, hujjatlarni rasmiylashtirish tartibi, deputatlik so‘rovlari bilan ishlash amaliyoti, shuningdek, doimiy komissiyalar va partiya guruhlari faoliyati holati ko‘rib chiqildi. 

Xususan, kengash.gov.uz elektron tizimi orqali hujjatlar yuritilishi, sessiya qarorlarini rasmiylashtirish hamda ularni amaliyotga joriy etish holati tahlil etildi. Deputatlik so‘rovlaridan samarali foydalanish, jamoatchilik fikrini inobatga olgan holda qarorlar qabul qilish mexanizmlari yuzasidan fikr almashildi. Shu bilan birga, doimiy komissiyalar va partiya guruhlari faoliyati o‘rganilib, ularning samaradorligini oshirish bo‘yicha tegishli tavsiyalar berildi. 

O‘rganish natijalariga ko‘ra aniqlangan kamchiliklarni bartaraf etish yuzasidan taklif va tavsiyalar ishlab chiqildi hamda joylarda deputatlik faoliyatini yanada takomillashtirishga qaratilgan aniq chora-tadbirlar belgilab olindi.