Xalq deputatlari Guliston shahar Kengashining 2026-yilga mo‘ljallangan ish rejasiga asosan, O‘zbekiston Respublikasi Prezidentining 2023-yil 27-sentyabrdagi “Maktabgacha ta’lim sohasida davlat-xususiy sheriklikni yanada qo‘llab-quvvatlashga oid qo‘shimcha chora-tadbirlar to‘g‘risida”gi PQ-316-sonli qarori ijrosini o‘rganish maqsadida, O‘zXDP deputatik guruhi a’zolari va tashkilot mas`ul xodimlari Bog‘ishamol mahallasida joylashgan 17-sonli maktabgacha ta’lim tashkiloti faoliyati o‘rganildi.

O‘rganishdan ko‘zlangan asosiy maqsad — davlat-xususiy sheriklik asosida tashkil etilgan maktabgacha ta’lim muassasalarida:

bolalar uchun yaratilgan shart-sharoitlar,

ta’lim-tarbiya jarayonining sifati,

moddiy-texnik baza holati,

sanitariya-gigiyena talablariga rioya etilishi,

ajratilgan subsidiya va imtiyozlardan samarali foydalanish darajasi,

hamda belgilangan talab va mezonlarga muvofiqligi holatini tahlil qilishdan iborat bo‘ldi.

Mazkur o‘rganishlar Prezident qarorida belgilangan vazifalarning joylarda izchil amalga oshirilishini ta’minlash, maktabgacha ta’lim sifatini oshirishga xizmat qiladi.