🏫 Loyiha doirasida deputat saylov okrugida joylashgan maktabgacha ta’lim tashkiloti faoliyati bilan yaqindan tanishdi. Jumladan, muassasadagi xonalarning issiqlik darajasi, bolajonlar uchun tashkil etilgan ovqatlanish tizimi, oziq-ovqat mahsulotlarining sifati hamda tarbiyalanuvchilar uchun yaratilgan shart-sharoitlar atroflicha o‘rganildi.

🏥 Shuningdek, hududda joylashgan oilaviy shifokorlik punkti (OSHP)da olib borilayotgan ta’mirlash ishlari jarayoni ko‘zdan kechirilib, ularning sifati va belgilangan talablar asosida amalga oshirilayotganiga alohida e’tibor qaratildi. Tibbiyot muassasasida bemorlar uchun yaratilgan sharoitlar, xizmat ko‘rsatish sifati ham deputat tomonidan o‘rganildi.

👩 Bundan tashqari, deputat mahalladagi tadbirkor xotin-qizlar bilan uchrashib, ularning faoliyati, mavjud muammolari va takliflari yuzasidan fikr almashdi. Aholi murojaatlari bilan kelgan fuqarolar bilan ham ochiq muloqot o‘tkazilib, ularning muammolari tinglandi hamda tegishli yo‘nalishlar bo‘yicha amaliy yordam ko‘rsatish choralari belgilandi.

Mazkur loyiha doirasida olib borilgan ishlar hududdagi ijtimoiy soha obyektlari faoliyatini yanada yaxshilash, aholining muammolarini joyida o‘rganish va ularni tizimli hal etishga xizmat qilmoqda.