Xalq deputatlari Paxtakor tuman Kengashi deputati Dilbar Do'squlova hamda yoshlar maslahat guruhi a’zosi Xayrullayev Samandar Nurli Pangat mahallasi yoshlarining bo‘sh vaqtini mazmunli tashkil etish maqsadida ularni kutubxonaga tashrif buyurishiga bosh-qosh bo‘ldi.

Tashrif davomida yoshlar turli badiiy va ilmiy adabiyotlar bilan tanishib, o‘z bilim va dunyoqarashlarini boyitish imkoniyatiga ega bo‘lishdi. Ayniqsa, kitobxonlikni targ‘ib qilish, yoshlarni mutolaa qilishga jalb etish masalasiga alohida e’tibor qaratildi.

Ushbu tashabbus yoshlar tomonidan iliq kutib olinib, ular bo‘sh vaqtlarini foydali va mazmunli o‘tkazish muhimligini yana bir bor anglab yetishdi.

Bu kabi tadbirlar yoshlarning ma’naviy kamolotini yuksaltirish, ularni kitobga oshno qilish hamda kelajakda yetuk kadrlar bo‘lib voyaga yetishlariga xizmat qiladi.